Lýsing
Teitur Olsen avgjørdi dystin. | Mynd: (Savnsmynd: Jan Smedemark/tb.fo)

Fyrsta tapið í landskappingini á útivølli móti TB í 28 ár

SKRIVAÐ: Jákup Ósá  |  22.06.2019 - 23:38 Ítrottur Tíðindi

FM-royndin hjá KÍ fekk ein beint frammaná á jóansøku, tá TB sendi KÍ norðuraftur við ongum stigi, fyri fyrstu ferð í landskappingini í bestu deildini í 28 ár.

TB hevur ikki vunnið móti KÍ í landskappingini á heimavølli síðani 1991. At talan fór at blíva um ein truplan dyst hjá KÍ var ikki óvæntað. Sum Norðlýsið vísti á í upptaktini, so hevur KÍ líka síðani 2012 havt tað trupult í Trongisvági, har eingin sigur hevur verið størri enn við einum máli, og har heimaliðið fleiri ferðir hevur fingið stig og fleiri ferðir hevur verið nær við. Í fjør bleiv KÍ sligið út úr kappingini um løgmanssteypið í Trongisvági. 

TB vann 1-0 við máli frá Teiti Olsen eftir hornasparksstøðu í seinna hálvleiki. Í seinna hálvleiki fekk Deni Pavlovic beinleiðis reytt kort, og tað ger hendan dystin bara heilt miseydnaðan fyri KÍ. Tí komandi tveir dystirnir eru móti kappingarneytunum B36 og NSÍ og júst í verjupartinum tykist KÍ hópurin á pappírinum nakað tunnur, tá skaðar og leikbann koma. Eftir dagsins tap misti KÍ eisini oddasessin til NSÍ og eftir dystirnar sunnudagin kann KÍ koma at vera eitt stig frá 4. plássi og fimm stig frá 5. plássi í einum sera spennandi oddastríði, har tað í løtuni eru onnur lið sum síggja sterkari út enn KÍ.

Lýsing
Seinastu tíðindini
Olja á vegnum
Standmynd av Elinborg Lützen í Klaksvík
Eitt nýtt stýri – orð til umhugsanar
Frida Andersson í Spania­stovu
Glottar at hóma viðvíkj­andi atkomu fyri…
Bústaðir: Vit taka hond um trupulleikan
Viðareiðisrenningin útsett til í morgin
Myndir: Føroyar hava fingið nýtt landsst…
Kykmynd: - Eg eri góð við norð­urøkið
Fuglberg og Skoraberg landa upsa til Kós…
Minni av fáa hjá útróðrarbátunum
Pison landar á Kósini í morgun
Prát um samgonguskjali
Eykarokn­ingar hótta tunlarnar Norður um…
Almenn móttøka fyri nýggja lands­stýri­num…
Kringvarpið og Havnar Bio samstarva í Fi…
Í ár eru 10 ár liðin síðani ítrótta­felag…
GLOYMDUR - bókaframløga í Klaksvík. 
Mansstevna í Zarepta komandi vikuskifti…
Kári hjúklar um rútmurnar til Vit elska…