Veðrið í dag
Luftin hevur streymað til Føroya av vestri í tveir dagar, men í dag fer at verða øðrvísi.
Hátrýstið, sum hevur sent luft til okkara, flytir seg eitt sindur hvønn dag, og tí broytist ættin eisini. Í dag fer tað at flyta seg suður í Norðsjógvin, so ættin hevur flutt seg úr útsynningi-vestri í nátt til útsynning í morgun.
Eitt sindur eftir middag í dag fer ættin niður í útsynning-sunnan, og tíðliga í kvøld er tað landsynningur-sunnan.
Vindferðin í dag fer ikki at vera tann stóra. Um 5 m/s í morgun (útsynningur-vestan og útsynningur) og 2-3 m/s seinnapartin (útsynningur-sunnan og landsynningur).
Framvegis einki brúgvalag við regni at síggja um okkara leiðir. Tí er turt fyri tað mesta í dag. Seint í kvøld fer tó eitt regnumráði framvið sunnaneftir. Tað fer at regna um midnáttarleitið og í nakrar tímar. Í morgin ári er turt aftur.
Í dag fer at vera skýggjað kring alt landið. Í morgin og fyrrapartin bert høg skýggj, men út á seinnapartin eisini lægri skýggj. Í løtum tó sólglottar.
Hitin í dag fer at liggja um 11- til 13 stig.