Smáskótadagurin savnar børn úr øllum landinum og er ætlaður børnum frá 4. Flokki og yngri. Luttakarnir verða býttir í bólkar og fara at luttaka í einari postarenning runt um í býnum, har tey fáa ymiskar avbjóðingar, uppgávur og spæla spøl saman. Evni fyri dagin í ár er “Ver til reiðar”.

Endamálið við smáskótadegnum er, at styrkja felagsskapin millum smáskótar kringa landið og samstundis geva teimum ein dag við spølum, avbjóðingum og felags upplivingum. Har tey eisini fáa høvi at menna førleikar og uppliva hvat tað er, at verða skóti.

Tiltakið byrjar kl 10 á Vágsbøi og endar á saman stað kl 15:30. Luttakararnir fara at verða úti allan dagin, tí verður mælt til, at tey hava hóskandi klæðir, matpakka og vatn við.

Íbúgvar og vitjandi fara at at merkja lívið í býnum leygardagin, tá nógvir skótar seta sín dám á gøtur og øki kring býin hendan dagin.