Lýsing
Lýsing
Lýsing

Tjaldur og STÍF saman um felagslið og nýggjan venjara/leikara

SKRIVAÐ: Tíðindaskriv  |  11.07.2019 - 15:59 Ítrottur Myndarøð Tíðindaskriv

Grannafeløgini Hondbóltsfelagið Tjaldur av eystara armi og Stranda Ítróttarfelag (STÍF) av vestara armi á Skálafjørðinum hava avgjørt at samstarva. Í fyrstu atløgu snýr samstarvið seg um 1-3 felags umgdómslið. Hini liðini hjá feløgunum báðum fara eisini at venja saman við jøvnum millum bilum.​

Samstundis hava Tjaldur og STÍF gjørt avtalu við danan Mads Lindkvist sum nýggjan ungdómsvenjara hjá Tjaldur og leikara á mansliðnum hjá STÍF fyri komandi tvey kappingaráriðini. ​

​Mads er 24 ára gamal og hevur drúgvar royndir sum hondbólsvenjari í hondbólsfelagnum í Hillerød á Sælandi. Eisini hevur hann spælt við fyrstaliðnum hjá felagnum, sum spælir í 2. deild í Danmark.​

​Umframt at hava yvirskipaðu ábyrgdina av allari hondbólts- og styrkivenjing hjá Tjaldur, hava venjaraskeið, leggja venjingarskráir og vera stuðul og vegleiðari hjá hinum venjarunum, fer nýggi venjarin at venja einstøk lið, við serligum denti á at venja og samansjóða nýggju felags Tjaldur/STÍF-liðini. Eisini fer hann at venja og spæla við á mansliðnum hjá STÍF.​

​Aage Arnoldson og Alexandur Johansen, formenn í Tjaldur og STÍF, siga í stuttari viðmerking, at feløgini gleða seg nógv til nýggja samstarvið. Við at standa saman røkka vit longur enn hvør sær, og fara í felag at bera hondbólturin í økinum enn longur framm. Hetta stig er nú tikið, og vónandi verður undirtøkan fyri hondbóltinum í økinum og í kommununum rundan um fjørðin enn størri í komandi árini.​

​Hondbóltsfelagið Tjaldur og Stranda Ítróttarfelag

Lýsing
Seinastu tíðindini
Trekk væl nøgd við finalupláss
Norðoya Fólkafloks­felag ársaðalfund
Sigrun Gunnarsdóttir listaframsýning á E…
Navnakappingin er liður í ætlanini at sa…
Pison landar á Kósini í dag
Eru játtanir til Klaksvíkar Sjúkra­hús ho…
Veðurstova Føroya í Klaksvík
Søgan um festið í Oyndarfirði
Virðið fólksins vilja
Eg vil virka fyri tykkum
Smáfuglar í millum húsini
Av Hattarvík á Hvannasund
Video: Eiga skip fyri 15 mia. US-dollara…
Myndarøð: Móttøka í nýggju hølunum
Nýtt Fólka­heilsuráð valt
Dugni letur upp í Klaksvík
Tøkk
Gerðabøur er ov góður at missa
Slítur í seinnapartin
Menningarætlanin reduserað til form utta…
Lýsing