FC Luzern fjepparar vitjaðu borgarstjóran
Nakrir FC Luzern fjepparar búgva í Klaksvík og Jógvan Skorheim hevði sett teimum stevnu í býráðshúsunum í góðveðrinum í dag.
Í morgin spælir KÍ móti FC Luzern á Svangaskarði.
Tað ljóðar at eini 150 FC Luzern fjepparar eru komnir til landið í samband við dystin. Flestu teirra búgva í Tórshavn, men nakrir hava valt tað ultimativa Klaksvíks upplivilsi og hava funnið sær innivist í heimsins vakrasta býði.
Til fyrra dystin í Luzern møtti Jógvan Skorheim einum fjeppara og teir avtalaðu at hittast aftur, til returdystin í Føroyum. Nakrir FC Luzern fjepparar fáa sostatt tað heilt stóra upplivilsi í hesum døgum. Í sólini í dag vitjaðu teir á skrivstovuni hjá borgarstjóranum.
Tummas Lervig, formaður í KÍ kom framvið og mynd varð tikin uttanfyri.
Dysturin byrjar í annaðkvøld kl. 18.00