Fríggjakvøldið kl. 18.15 spæla KÍ og Víkingur toppdyst í Klaksvík. Eitt leikbann er til dystin og tað er Deni Pavlovic hjá KÍ, sum situr yvir sín næsta av seks dystum.

Hjá báðum liðum er ivamál um sera týðandi leikarar. Hjá KÍ fekk Simen Sandmæl brádliga rygg-trupulleikar og var als ikki í hópinum móti ÍF. Hann vandi ikki í kvøld, og tí er ivasamt, um hann verður við fríggjakvøldið. Hjá Víkingi fór Sølvi Vatnhamar út við skaða í fótinum móti NSÍ. Sum skilst er møguleiki fyri, at hann verður klárur til dystin, men tað er ikki vist.

Hjá KÍ er eisini fleiri skaðar hjá leikarum, ið ikki hava spælt nakað nevnivert síðstu vikurnar. Meinhardt P. Joensen, Óli Ey. Poulsen, Ólavur Niclassen, Magnus Stamnestrø, Darius Lewis og Torbjørn Grytten eru allir skaddir í løtuni, og tað er ivasamt, um nakar av teimum verður klárur til fríggjakvøldið.