Føroyski A-landsliðsvenjarin heldur, at Jóannes Bjartalíð í hesum tveimum landsdystunum hevur avrikað so væl, at tað er hugsandi, at hann fær fast pláss á liðnum framyvir.
- Hann gjørdi tað gott, tá hann kom inn móti Svøríki. Onkuntíð hevur hann havt trupulleikar defensivt, men ímóti Spania hesaferð arbeiddi hann eisini væl í verjupartinum, og tað er avgerandi, tá ein spælir á A-landsliðnum. Hann er tekniskt væl fyri og hevur avrikað væl hesar báðar dystirnar, segði Lars Olsen eftir dystin.