Vit báðir Alex Sólstein og undirritaði, hava saman við konunum tikið okkum saman aftur at fara ein túr til Edinburgh við Atlantic Airways.

Sum vit hava gjørt áður, so fara vit at brúka møguleikan at kunn eitt sindur her á Norðlýsinum, um stóru ferðamøguleikarnar her sunnnfyri á Skotska meginlandinum.

“Frítt var Eystfellið frá at fara” í morgun. Heima var av best heystveðri og oyggjarnar vístu seg fyri okkum í heystbúna.

Alex er óførur at práta og at  koma í samband við fólk, so longu á flogvøllinum hitti hann onkran ungan mann, sum hann kundi fáa eitt tónleikaligt prát við. Flogtúrurin gekk av tí besta, móttøkan á flogvøllinum í Edinburgh var sera vinarlig og ikki minst endaðu vit á einum góðum hotelli tætt við The Royal Mile.

Orsakað av nakað av seinking í flogferðsluni í dag, var ikki tíð til so nógv annað enn at kekka inn á hotellið og at finna eina góða máltíð á eini pub í Skotska høvuðsstaðnum.

Vit vera aftur í morgin, við onkrum forkunnugum.

Oliver.