Lýsing

Rútman verður ein dansari til Vit elska 90ini

SKRIVAÐ: Hans Jacob á Líknargøtu  |  02.10.2019 - 08:52 Tíðindaskriv Tíðindi

Hittfyribrigdið SNAP! luttakur til gigantiska tiltakið Vit elska 90ini, sum verður 12. oktober í Hoyvíkshøllini. Tónlistarliga skráin er uppá pláss, og vit kunnu gleða okkum til eitt satt brak.

Vitjaði tú eitt dansistað í 90unum ella ognaði tú tær eina av teimum mongu savnsfløgunum, so hevur tú uttan iva notið rútmurnar hjá SNAP!

SNAP! er ein týskt samansettur bólkur, sum eigur nøkur av allarstørstu dansihittunum í 90unum. Tey góvu út fløguna World Power í 1990, og staklagið “I Got the Power” gjørdi bart og streyk uppá dansitindarnar kring allan heim. Næsta fløgan The Madman´s Return, sum varð útgivin í 1991, seldi eisini sum heitt breyð frá Frants ein sunnumorgun kl. 04:00. Serliga risahittið “Rhythm is a Dancer” ljómaði kring diskotekini um allan heim.

Legendurnar pakka taskurnar og seta kós móti Hoyvíkshøllini tann 12. oktober. Tað verður garrvilt.

Fammanundan er longu greitt, at Cottoneye Joe, Me & My, Cut ´N´ Move, DJ Freedom, DJ Kári Annand Berg, DJ Dan Rachlin og Riffi, Blå Øjne og DJ Martin Kjærbo fara at framføra til Vit elska 90ini.

Atgongumerki fáast á ebillet.fo. Tað eru tvey sløg av atgongumerkjum. Tú kanst keypa vanlig atgongumerki fyri kr. 395,- ella “Alt í einum atgongumerki”, sum gevur tær atgongd til tiltakið og fría barr í Hvonn básinum. “Alt í einum atgongumerki” kostar kr. 795,-.

Vit elska 90ini er stuðlað av Atlantic Airways, Okkara og Hvonn

Lýsing
Seinastu tíðindini
Nú ''byrjar'' kappingin hjá KÍ
Korona hevur ávirkað kappróðrarfyrireiki…
Dartfelagið nógv at gera á Norð­oyastevnu
Maskinsmiðir prógv á TSK
Tónleika­rundferð við Danny og Inga
Rókur Davidsen vann øll talvini
Stroyming: Dartkapping á Norð­oyastevnu
Heimið er, har hjartað er
Tónleika­rundferð við Danny og Inga í dag
FLEIRI KONSERTIR VIÐ DANNY OG INGA LEYGA…
Hjálparpakki 4 verður nú settur í verk!
Poul Mohr (21.08.1929  - 16.06.2018) - f…
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.