Lýsing
Lýsing
Kaj Leo Holm Johannesen, heilsumálaráðharri | Mynd: frá vp.fo

Ovurstórar eykarokningar koma nú undan kavi

SKRIVAÐ: Jóhann Lützen  |  03.10.2019 - 21:10 Politikkur Tíðindi

Sum stúrt hevur verið fyri í ein knappan mánað, vísir tað seg nú at verða neyðugt við stórum eykajáttanum til at gjalda rokningar. Tann størsti útreiðsluposturin er helst H-bygningurin á Landssjúkrahúsinum, sum teknar seg fyri heili 9 siffur í meirkostnaði. Og tingfólk vænta at fleiri eru á veg.

Tað var Kaj Leo Holm Johannesen, heilsumálaráðharri, sum á tingsins røðarapalli í dag boðaði frá, at nú rokningarnar eru taldar saman, fer H-bygningurin at kosta 152 mió. meira enn væntað. Í mai varð upplýst eitt krónutal uppá umleið 80 milliónir eyka, men tað talið er nú næstan tvífaldað.

Jákup Mikkelsen, tingmaður fyri Fólkaflokkin, stúrir fyri at fleiri eykarokningar eru ávegis, og nevnir talið 115 milliónir, ið er upphæddin, sum søkt verður um í eykajáttan. Óbeinleiðis segði hann, at hetta kann ganga út yvir arbeiðið hjá nýggju samgonguni, tí hon fær ein “ringan start”, sum hann málbar seg.

H-bygningurin skal sambært eykajáttanarlógaruppskotinum fáa 21 milliónir í ár, og restin má so bíða.

Av øðrum eykajáttanum, ið ikki skyldast eykarokningum, kann nevnast, at Hvalbiartunnilin fær 21 milliónir, tí hann skal framskundast, Strandfaraskip Landsins 2,6 milliónir og 4,7 milliónir fara til gamla gerðarrættarmálið millum TG-Verk og Landsverk í Glasir-málinum.

Lýsing
Seinastu tíðindini
Kommunala Eftirlitið kannar valagn
Tøkk
Fleiri vegir verða asfalteraðir
Norðlýsið á gøtuni
Læra av Bakkafrost
Danmark-Føroyar í oktober
Fylg makrel­kanningu­num 2020
Tað spruttar av lívi í Klaksvíkar Róðrar…
Tróndardagur í Gomlu Norð­ragøtu
Løgtingsvalið í Klaksvík 1994
Marknaðargrundað skipan í Havn
Team Klaksvík hevur tveir útlendskar mál…
Lógaruppskot um bústaðaætlan til hoyring…
Team Rynkeby á ferð í Føroyum
Silvur­brúdleyp - June og Trygvi
Minningarorð - Osmund Berg
CO -neutralar farteldur koma til Føroyar
Svimji­høllin í summar
Grindin í Árnafirði fekst ikki til merki…
Matstovur bjóða vælkomin