Ein útróðrarbátur afturat er farin at rógva út frá Hvannasundi. Tað er Anru, sum teir báðir Janus Rein og Gundur Sørensen hava keypt. Janus Rein sigur við Norðlýsið, at hansara partur verður at taka sær av pappírarbeiðinum, ímeðan Gundur Sørensen skal drifta Anru. Gundur hevur fingið sær orlov frá norska felagnum sum hann hevur arbeitt fyri í mong ár og ætlar sær at rógva út í vetur og at taka kappingina upp við hinar útróðrarbátarnar. Mikudagin avreiddi Anru 10.500 pund til Sjógæti og í dag kom hann inn við 10.000 pund. Hetta er blóðgaður og ókruvdur fiskur.

Bragd

Fyri løtu síðani frættu vit frá Oddmari Niclasen, skipara á Bragd. Oddmar sigur, at teir hava fiska 40.000 pund hesa vikuna, umleið helvtin er hýsa og restin toskur. Mánadagin hevði Bragd 14.500 pund, týsdagin 13.500 pund og í dag 12.000 pund. Orsakað av tekniskum trupulleikum var Bragd seinur avstað í gjárkvøldið.