Valið fall á venjaran hjá B36, Jákup á Borg.

Venjarafelag Føroya skrivar soleiðis:

Jákup á Borg er ársins venjari 2019
(Formaðurin í VFF, Frankie Jensen handaði steypið til Jákup fyrr í dag. Steypið er gjørt á Føroya Grótvirki)

Venjarafelag Føroya (VFF) hevur síðan 2011 heiðra ársins venjara. Tað er limir í VFF sum atkvøða og av hesum atkvøðum fekk Jákup 50 %, meðan Mikkjal Thomassen fekk 30%.

Tað vísir seg ofta at FM vinnarin verður ársins venjari. Tó er tað ikki altíð soleiðis, tí bæði í 2012 og 2013 var tað venjarin sum fekk silvur, ið bleiv valdur sum ársins venjari.

Í ár hevur VFF valt at hava atkvøðugreiðslu innan kappingin er avgjørd. Hetta fyri at seinasti dystur ikki skal gerast avgerandi fyri hvør verður valdur sum ársins venjari, men at tað heldur er ein heildarmeting fyri ári.

Ársins venjarar síðan 2011
2011: John Petersen & Mikkjal Thomassen
2012: Flemming Christensen
2013: Albert Ellefsen
2014: Sámal Erik Hentze
2015: Eyðun Klakstein
2016: Sámal Erik Hentze
2017: Sámal Erik Hentze
2018: Heimir Guðjónsson
2019: Jákup á Borg