Jóhannus Kallsgarð, bóndi á Trøllanesi fann hesa mýrusnýpuna á Trøllanesi fyri nøkrum døgum síðani. Jóhannus sigur, at mýrusnýpan hevur verið sædd fleiri ferðir, og at fyribrigdið albino ikki verður roknað fyri at koma ofta fyri á mýrusnýpum. Sambært fuglaserfrøðingum, sum Johannus hevur verið í samband við, siga teir seg aldri áður hava sæð eitt slíkt fyribrigdi hjá hesum fuglaslagnum áður í Føroyum og teir halda at hetta helst sera sjálvdan er komið fyri aðrasaðni í heiminum eisini.

Mýrusnýpan er enn stødd í landinum, vanliga flyta tær av landinum um mikkjalsmessu, men onkrar eru her alt árið. Jóhannus sigur at fylgt verður við hesum fuglinum, tí hetta er eitt so sera sjáldsamt fyribrigdið.

Á Trøllanesi vóna tey at hon verður aftur í komandi ári, men tó skal sigst, at ein hvít mýrusnýpa sæst væl burtur úr og tá kann skjótt væntast at hon verður fyrsta offrið hjá einum rovfugli.