Lýsing
Langomman lyfti KÍ steypið
Jákup B. Andreasen liðskipari hjá KÍ var saman við familjuni á vitjan hjá langommunni Emmu Jacobsen, sum er 101 ára gomul
KÍ hevur vunnið 18 Føroyameistaraheiti, tað seinasta í gjár og Emma Jacobsen hevur uppliva tey øll. Í dag var liðskiparin Jákup B. Andreasen á vitjan hjá langommu sínari.
Emma Jacobsen var gift við Sam í Búðunum, sála, sum var við at vinna tað fyrsta føroyameistaraheiti hjá KÍ í 1942. Synir teirra Steinbjørn og Eiler vunnu upp í leypar av føroyameistaraheitum fyri KÍ 60 og 70 árunum. Ommusonurin Stig Elttør vann FM í 1991 og í gjár vann altso langommusonurin tað seinasta í rekkjuni.
Til myndina hoyrir eisini søgan at pápi Jákup, Jan Andreasen hevur vunnið FM tvær ferðir í 90 árunum.
Seinastu tíðindini