24 ára gamli Torbjørn Grytten úr Noreg kom til KÍ undan hesum kappingarárinum. Skaðar gjørdu, at hann ikki spældi so nógv. Torbjørn spældi 499 minuttir, men vísti seg at vera effektivan. Hann skoraði trý mál og legði upp til fýra mál hesar minuttirnar og var KÍ-leikarin við bestu tølunum í mun til minuttir pr. málstig. M.a. spældi hann hann høvuðsleiklut, tá KÍ vann týdningarmiklan 3-1 sigur á HB við einum máli og einum uppleggi. Men Torbjørn væntar ikki, at hann heldur fram í KÍ.
- Eg fari aftur til Noreg nú at leita eftir einum felagi. Um tað ikki eydnast, so eru allir møguleikar opnir. Tað hevur verið eitt ''unikt'' upplivilsi í Føroyum. Fólk hava tikið sera væl ímóti okkum, og vit hava havt tað gott sosialt. Persónliga, so havi eg verið eitt sindur ov nógv skaddur, men eg føli, at eg eg havi givið aftur, tá eg havi verið frískur. Tað var sera stuttligt at kunna verið við til at vinna FM fyri KÍ aftur. Ein uppliving, sum eg aldrin fari at gloyma, sigur Torbjørn Grytten við Norðlýsið.

Sostatt legst hann mest sannlíkt afturat frágongdini, sum frammanundan telir Simen Sandmæl, Darius Lewis og Semir Hadzibulic.