Lýsing
Lýsing
Lýsing

Fýra KÍ-leikarar á A-landsliðnum

SKRIVAÐ: Jákup Ósá  |  07.11.2019 - 19:26 Ítrottur Tíðindi

Lars Olsen hevur fyri seinastu ferð úttikið landsliðshópin. Fýra núverandi KÍ-leikarar umframt ein komandi eru á landsliðnum.

FSF.fo skrivar: Sum fyrireiking til seinastu dystirnar í undankappingini til EM 2020 – á Ullevaal í Oslo fríggjadagin 15. november, og á Friends Arena í Stokkhólmi mánadagin 18. november – hava heimligu landsliðsspælararnir, umframt teir, sum spæla í íslendskum fótbólti, vant regluliga á Tórsvølli.

 

Tilsamans hava seks venjingar verið á skránni farnu tvær vikurnar, og nú er greitt, hvørjir skulu manna føroyska hópin til EM-undankappingardstirnar móti Norra og Svøríki. Talan er samstundis um seinastu dystirnar hjá Lars Olsen sum føroyskum landsliðsvenjara, og hjá hjálparvenjaranum, Jóannesi Jakobsen.

 

Smávegis broytingar eru í hópinum hesaferð, í mun til teir 22, sum vóru við í 1-0 sigrinum móti Malta fyri lítlum mánað síðani.

 

Eli Falkvard Nielsen, ið lærir til elektrikara, fer í næstu viku undir sveinaroyndina, og Hallur Hansson er skaddur, meðan Adrian Justinussen verður við U21-landsliðnum, sum týsdagin 19. november møtir Norðurmakedónia á Tórsvølli.

 

Í staðin hava Lars Olsen og Jóannes Jakobsen sent boð eftir Odmari Færø úr Hamarkameratene í Norra, og har afturat er Gilli Rólantsson Sørensen við aftur, eftir at tvøramaðurin var leikbannaður til dystin ímóti Malta.

 

Hópurin

Gunnar Nielsen, FH (Ísland)

Kristian Joensen, KÍ

Teitur Matras Gestsson, HB

Atli Gregersen, Víkingur

Odmar Færø, Hamarkameratene (Norra)

Andrias Høgnason Eriksen, B36

Heini Vatnsdal, Fremad Amager (Danmark)

Viljormur Davidsen, Vejle BK (Danmark)

Ári Mohr Jónsson, Sandnes ULF (Norra)

Magnus Egilsson, HB

Jóannes Kalsø Danielsen, KÍ

Rógvi Baldvinsson, Bryne BK (Norra)

Sølvi Vatnhamar, Víkingur

Kaj Leo í Bartalsstovu, Valur (Ísland)

Árni Frederiksberg, B36

Gilli Rólantsson Sørensen, Brann SK (Norra)

Brandur Hendriksson Olsen, FH (Ísland)

Jóannes Bjartalíð, KÍ

Jóan Símun Edmundsson, DSC Arminia Bielefeld (Týskland)

Klæmint Andrasson Olsen, NSÍ

Patrik Johannesen, KÍ​

Lýsing
Seinastu tíðindini
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.
Tí skulu vit ráða okkum sjálvum
Fóðurflakin Kleivin opin fyri vitjandi m…
Føroyar ímóti rasismu
Norð­oyastevnan í dag
Kaj Leo skal standa skúlarætt um navnabr…
Stuðla Klaksvíkar Róðrar­felag
Bankarnir gerast alsamt frekari
Símun Absalonsen heldur midnáttarrøðuna
Ein sílatúrur í Vatnsdali við Oyndarfjør…
Solby heldur røðu á norð­oyastevnu
Hotel Brandan letur upp 1. juli
Benkur uppi á Brekkum
SprittFisk - Filmskapping
Núpur landar í dag
Lions 50.000 til talukennara