Longu eftir 8 minuttum var 2-0 til Noreg eftir, at Noreg skoraði uppá báðar sínar fyrstu møguleikar eftir passivt føroyskt verjuspæl. Talan var um einvegis ferðslu í fyrra hálvleiki og setti Noreg ferðina upp, so bleiv sum oftast vandamikið. Eisini vóru persónligu mistøkini á føroysku liðnum fleiri enn ofta fyrr.

Í seinna hálvleiki var avrikið lítið frægari. Noreg stýrdi øllum og økti til bæði 3-0 og 4-0 áðrenn síðsta partin av dystinum. Føroyar lótu einki mál ígjøgnum síðsta hálva tíman, og tí bleiv sjálvt úrslitið ikki heilt ljótt.