Lágtrýstið, sum nú stýrir veðrinum í dag og í morgin, fer eystur um Føroyar beint norðanfyri í nátt ella tíðliga í morgin ári. Nógvur vindur er rundan um tað – serliga norðan- og vestan fyri miðjuna. Hetta økið fer at raka Føroyar eftir midnátt. Vindferðin væntast at fara upp í 18 til 23 m/s í morgin ári. Onkra løtu 20 til 25 m/s.

Ættin í dag er útsynningur-vestan, men út á seinnapartin fer hann niður í útsynning. Vindferðin er um 5 til 10 m/s, men seint í kvøld fer vindur at veksa, og morgin ári er skrið ella stormur í miðalvindi – 20 til 25 m/s. Hvirlurnar eru nakað harðari.

Ælaveðrið heldur fram restina av degnum í dag og í nátt eisini. Hitalagið er í dag um 4-5 stig, men tað fer spakuliga niðureftir. Seint í kvøld og í nátt fer avfallið tí at vera eitt bland av regni, vátakava og kava.

Fyrrapartin í morgin minkar vindurin aftur. Á middegi fer hann upp ímóti norði.