Dagstovnagjøldini hækkað í Klaksvík
in.fo veit í dag at siga, at foreldur í Klaksvík hava fingið skriv frá Klaksvíkar Kommunu, har tað verður gjørt greitt, at dagstovnagjøldini hækkað í tveimum umførum. Orsøkin sigur kommunan verða prísvøksturin í samfelagnum
Fyrsta hækkingin verður frá 1. januar 2020 at roknað ímeðan gjøldini hækkað aftur 1. januar 2021.
Í seinastu semjuni millum Pedagogfelagið og Kommunala Arbeiðsgevarafelagið er lønarvøksturin 2,75 prosent í 2019, 2,75 prosent í 2020 og 1,45 prosent í 2021. Tilsamans er sostatt talan um ein vøkstur upp á 6,95 prosent. Tískil hevur býráðið samtykt at hækka foreldragjaldið 2,75 prosent tann 1. januar og aftur 1,45 prosent 1. januar 2021, skrivar in.fo.
Býráðið sigur í fráboðanini til foreldrini, at meirinntøkan fer beinleiðis til stovnarnar.