Lýsing
Lýsing
Lýsing

Býráðið samtykt vinarbýarsamstarvið við Skt. Pætursburg

SKRIVAÐ: klaksvik.fo  |  12.12.2019 - 18:41 Mentan Politikkur Tíðindaskriv Vinna

Á býráðsfundi í kvøld samtykti Klaksvíkar býráð vinarbýarsamstarvið við Skt. Pætursburg. Í hesum sambandi var borgarstjórin fyrr í mánaðinum á fundi við russiska sendimanninum í Danmark.

Sendimaður Ruslands upplýsti, at teir sóu stórar møguleikar í einum góðum samstarvi við Klaksvíkar kommunu og gleddu seg til at formalisera vinarbýaravtaluna. Eisini nevndi hann góða sambandi teir hava havt gjøgnum russiska konsulin í Føroyum, Árna Dam, ið hevur gjørt eitt stórt arbeiði við at knýta bond landanna millum.
Endamálið við vinarbýaravtaluni er, at býirnir knýta tættari vinarbond, so bæði vinnu-, ítróttar-, og mentanarlív kunnu njóta gott av hvørjum øðrum.

- Hetta er serliga hugsað sum eitt samband til ein av størstu marknaðunum hjá fleiri av teimum vinnlívsfyritøkunum, sum vit hava í kommununi. Hetta kann lata upp fyri nýggjum møguleikum og kann eisini gera tað lættari at samskifta við myndugleikar, tá ið møguleikar stinga seg upp, sigur Jógvan Skorheim, borgarstjóri.

 - Vit umrøddu eisini at skipa fyri einari vinnulívsferð til Skt. Pætursburg, har møguleiki eisini kann vera fyri at knýta nýggj bond millum vinnufyritøkur.

 - Eisini er Skt. Pætursburg kendur fyri at vera ein mentanarbýur, og tí er upplagt at vit eisini troyta møguleikarnar við at samstarva um ymiskt, sum kann gagna mentanarlívinum í býnum báðum, sigur borgarstjórin.

Eftir ætlan verður vinarbýaravtalan endaliga avgreidd av býráðnum seinast í november, og undirskrivað so skjótt til ber.

Lýsing
Seinastu tíðindini
Søktu Spania í seinna hálvleiki
Nýggj bók eftir Óla Jacobsen um Gamla ki…
Upptakt: Vár G. Hansen til VERSA Challen…
Jóla­trø­ini í Hvannasunds kommunu verða t…
Røðan hjá Sámal Peturi í Grund
Fleiri týðandi framtøk á Klaksvíkar havn…
Strandferðslan økir um túratalið á leið…
Jóla­trø­ini leygar­dagin
Veðrið um vikuskiftið
Veðrið um vikuskifti
Noomi Oddmarsdóttir Gregersen nýggjur st…
ICES-tilmæli fyri botnfisk 2026
Jóla­trø­ini í Kalsoynni
Klaksvíkar bókasavn í desember
Sunnvá hevur teknað jóla­kortið
Advents- og jóla­konsert sunnukvøldið
Skótarnir í 4.a greiða frá
Byggisamtyktin fyri Svínoy góðkend
Jóhan Christiansen, tak uppskotið aftur!
Skálkar­nir eru klárir til Black Friday