30 ára gamli miðverjin Jesper Brinck kom til KÍ undan kappingarárinum 2019 og royndist væl. Hann spældi 25 av teimum 27 landskappingardystunum á meistaraliðnum, ið lat fæst mál ígjøgnum. Hann taldist millum bestu verjuleikarar í føroysku kappingini. Tað hevur verið óvist í longri tíð, um hann helt fram í KÍ. Men tað er tað ikki longur.

KÍ boðar í dag frá, at nýggjur sáttmáli er gjørdur við Jesper Brinck, ið er galdandi fyri kappingarárið 2020.