Lýsing
Vindurin fer at minka í kvøld og í nátt. Seinnapartin í morgin er bert eitt lítið lot av útnyrðingi. Seinnapartin týsdagin fer vindurin at veksa aftur. Um kvøldið eru 13 til 18 m/s í miðalvindi úr útsynningi kring landið. Soleiðis sær út í løtuni. | Mynd: Undirritaði

Eitt fitt lot gamlaárskvøld

SKRIVAÐ: Hanus Kjølbro  |  29.12.2019 - 15:24 Tíðindi Veðrið

Í dag er eitt lágtrýst yvir Íslandi, og tað dregur luft til sín av leiðunum í miðjum Norðuratlantshavi. Tað fer sín veg í nátt eysturum og langt frá okkum. Í tess stað kemur eitt annað lágtrýst at standa í júst sama stað týskvøldið.

Tí rokna veðurfrøðingar, at soleiðis sum veðrið hevur verið seinnapartin í dag, verður eisini veðrið gamlaárskvøld – kanska eitt lítið sindur meira vindur.

Hvussu er so veðrið nú – seinnapartin sunnudag?

Inni á vedrid.fo er 6 veðurstøðir. Støðin í Mykineshólmi mátar 24 m/s í miðalvindi í løtuni (klokkan 15) úr útsynningi. Hinar 5 støðirnar siga frá minni vindi úr somu ætt – minst er á Kirkju, har eru 11 m/s. Ikki løgi, at hesin munur er, tí vindurin kemur til Mykineshólm fyrst, og hann skal upp um nógv fjøll, áðrenn hann er í Fugloy ella við hinar mátistøðirnar.

Sum viðurskiftini í lufthavinum eru í løtuni, soleiðis kunnu vit vænta veðrið seinasta kvøldið í árinum.

Gevið gætur, at tá ið lágtrýstini koma so nær okkum, skal bert heilt lítil broyting til, soleiðis at veðrið ikki verður sum spátt.

Vit fáa at síggja…

 

 

 

Lýsing
Seinastu tíðindini
Teir kavaðu niður á Reynsmúla í dag
FILMUR: Til Kjøpinhavn við Viðoy í 1945
Hygg her: Saman í tryggari frástøðu
Frægari upsafiski­skapur enn árini framma…
Bjarga Svínoynni við minni enn 2 km tunn…
Nýggjur koronatáttur í kvøld
64 føroyingar frískir í alt
155 føroyingar fingið staðfest smittuna
Veiðifelagið Byrsumúli 40 ár
Ein hjartalig tøkk frá okkum báðum
Altíð nógvur fuglur á Vágni
Norðhús byggir meira á Norðoyri
Tiltøkini í Almanna­verki­num, fyri at mi…
Svartkjafta­kanningar­nar útsettar
Núpur landar á Kósini í dag
Skorheim: Skipini eru vælkomin
Frískt lot í dag
Betri Banki: Enn ein av tryggastu bankun…
54 føroyingar frískir í alt
144 føroyingar fingið staðfest smittuna