Vit søkja eftir:

• Trimum starvsfólkum til vøggustovu á 30 tímar um vikuna
• Eitt starvsfólk til vøggustovu á 20 tímum um vikuna
• Trimum starvsfólkum til barnagarðsstovu á 30 tímar um vikuna
• Eitt starvsfólk til barnagarðsstovu á 28 tímar um vikuna

Baldursbrá er kommunalur dagstovnur, ið lat upp á heysti í 2021. Stovnurin er ein náttúrubarnagarður, við denti á tryggleika og umsorgan, sum fær tað einstaka barnið at mennast og trívast. Stovnurin hevur frálíka staðseting, við fjøru og haga í nærumhvørvinum. Náttúran er tí ein týðandi partur av námsfrøðiliga arbeiðinum á stovninum.
Í løtuni eru tríggjar barnagarðsstovur til børn í aldrinum 3-6 ár og ein vøggustova til børn í aldrinum 0-3 ár.

Vit kunnu bjóða

• ein spennandi stovn, ið er í menning viðvíkjandi námsættlan og virðisgrundarlag
• ein góðan og vælvirknan starvsfólkahóp.
• ein stovn, ið arbeiður við náttúrunámsfrøði.
• ein ráðleggingardag um árið, har stovnurin er stongdur, og arbeitt verður við ymiskum námsfrøðiligum evnum
  tíð til fyrireiking.

Vit vænta, at tú:

• hevur ein savnandi hugburð
• ert opin, erlig/ur og fyrikomandi
• leggur teg eftir at geva barninum ein innihaldsríkan gerandisdag
• sært møguleikar í øllum børnum
• vil vera við til at mynda stovnin sum ein nátturubarnagarð.
• hevur áhuga í at arbeiða við náttúrunámsfrøði, endurnýslu og burðardygd.
• ert tilvitað/ur um menningina hjá einstaka barninum
• sært stórt virði í viðurkenning og inklusión
• ert týðilig/ur í samskifti, og leggur dent á gott samstarv
   

Setanarviðurskifti:

Løn og setanarviðurskifti eru sambært sáttmála millum Kommunala Arbeiðsgevarafelagið (KAF) og Føroya Pedagogfelag.
Meira fæst at vita um starvið við at venda sær til Vivian B. Samson, leiðara, á telefon 225719
Arbeiðsgevarin hevur skyldu til at fáa barnaváttan, áðrenn setanin verður framd.

Umsókn, saman við avriti av prógvi, cv og møguligum starvsváttanum, skal vera okkum í hendi seinasta lagi 21. mai 2026.

Tú søkir starvið við at trýsta á knøttin leinkjuna her: Starvsfólk til Baldursbrá