Klaksvíkar Badmintonfelag sett nýggjan venjara
Klaksvíkar Badmintonfelag (KBF) spílar seg út við nýggjum útlendskum venjara.
Nýggi venjarin eitur Mrinmoy Pal og er úr Kolkata í India. Hann er 42 ára gamal. Hann hevur seinastu árini verði venjari í India.
- Seinnu árini hevur tað verið ein avbjóðing at fingið venjarar til venjingarnar hjá KBF. Fyri tað mesta hava tað verði foreldur og leikarar, sum hava havt venjingarnar. Tó hevur landsliðsvenjarin Aritra Nandy havt eina venjing um vikuna í Klaksvík og hevur hann gjørt eitt stórt arbeiðið fyri badminton í Føroyum. Men síðsta summar datt samstarvið niðurfyri, tá Badmintonsamband Føroya setti nýggjan venjara, sum býr í Danmark. Hetta gjørdi, at umvegis fyrrverandi landsliðsvenjaran, sum KBF hevði sera gott samstarv við, eydnaðist tað KBF at fáa fatur á hesum nýggja venjaranum og halda vit, at hetta er eitt spennandi átak fyri at menna badmintonleikararnr í KBF, siga tey í KBFum setanina av nýggja venjaranum.
Raðfesta trivnaðin
Undan jólum hevði KBF eina innanhýsis kapping í tvímansleiki, har børn og foreldur kappaðust móti øðrum foreldrum/børnum. Hetta var ein stuttligur dagur, sum var við til at styrkja og menna felagsskapin og trivnaðin, sum KBF raðfestir høgt.