Lýsing
Lýsing

Nógv at gera í Norðhavnini

SKRIVAÐ: Dávur Winther: Myndir Dávur Winther  |  12.01.2020 - 16:20 Myndarøð Tíðindi Vinna

Norðborg fór avstað 4. januar og hevur ligið sunnarlaga í Føroyskum sjógvi – eini 80 fjórðingar suður úr Akrabergi. Teir hava havt ring fiskilíkindi og hava krokað nógv, so teir hava bert roynt eina lítla viku tilsamans í tveimum umførum.

Teir hava 770 tons í frystum svartkjafti og eini 50 tons mjøli. Teir á Norðborg valdu at koma inn at leggja veiðina upp og skifta onkran lut, áðrenn hildið verður fram við skartkjaftaveiðu.

Christian í Grótinum liggur í Norðhavnini og bíðar eftir landingartørni í Fuglafirði í morgin eftir næsta góða túrin í ár vestanfyri Hetland.

Teir fóru avstað 2. januar og hava nú verið á tveimum makreltúrum. Tilsamans hava teir havt 8 tov og fingið í alt 2.500 tons av makreli.

Enn er ivasamt um teir nú fara á svartkjaft ella teir taka ein túr afturat eftir makreli.

Borgarin hevur verið á einum makreltúri vestanfyri Hetland í ár og fingu teir 1.500 tons. Teir skifta nú turkispælið, sum kemur at taka nakrar dagar.

Tað tók nakað av tíð at fáa spælið í land, tí tjúkku vangarnir máttu skerast í helmingar – Sama er við nýggja spælinum, sum stendur á Kambsdali hjá KJ-Hydralik. Har mugu vangarnir brennast í helmingar, og síðani montera teir umborð aftur, tá ið spælið er íkomið.

Í dag vóru tað menn frá KJ-Hydralik og Hans Egil við teirra stóra kranabili, sum avmonteraðu gamla turkispælið.

Lýsing
Seinastu tíðindini
Nú kunnu allar okkara persónsupplýs­ingar…
Beinleiðis vínsmakking online fyri øll,…
Ovurstórur tørvur er á fleiri námsfrøðin…
Hjálp okkum at finna atkomuligar matstov…
Lands­stýris­maðu­rin svarar fyrispurningi…
Telving á Norð­oyastevnu
Klaksvíkar Dartfelag á Norð­oyastevnu
Norð­oyastevnublaðið kemur fríggja­dagin
Norðoya Javnaðar­felag aðalfund
Virtual FIshExpo - vit siktaðu høgt, men…
Sjáldsamur gestur á Vágni
Færøerne findes faktisk, Mette!
Broyting í innsavning­ini hjá IRF
Løgreglan ger ikki meira við málið um sk…
Kvikk afturkomin undan Íslandi
Franskur trolari landar til Kósina
KÍ gav AB bank á Argjum
Nýggj og størri nevnd í ADHD-felagnum 
Listaframsýning við Silju Strøm í Gamla…
Nú sprettir á fold og spírar..