33 ára gamli Semir Hadzibulic hevur síðstu árini verið ein av profilunum hjá KÍ. Eftir kappimngarárið 2018 takkaði hann fyri seg, men tað gekk ikki long tíð, til hann boðaði frá, at hann ikki var heilt liðugur í KÍ. Og hann helt orð, tí hann spældi við KÍ eftir summarsteðgin í 2019 og fekk sostatt eisini FM á sítt CV. Semir skoraði eitt av málunum í FM-finaluni og spældi væl hetta hálva kappingarárið. 

Nú hevur Semir gjørt sáttmála við barndómsfelagið Novi Pazar. Hetta felag spælir í næstbestu deildini í Serbia. Sáttmálin er galdandi fram til í summar.