Fyri fyrstu ferð síðani minniliga 26. oktober í fjør var KÍ hópurin í kvøld samlaður til venjing á graslíkisvøllinum í Klaksvík.

Í vetur hava leikararnir vant styrkisvenjing og annars hildið seg í venjing, men í kvøld var fyrsta venjingin, har allur hópurin við útlendingunum var samlaður síðani leygardagin 26. oktober. Millum leikararnar á vøllinum í kvøld vóru Odmar Færø og Ole Erik Midtskogen, sum eru komnir úr Ham Kam í Noreg. Triði nýggi leikarin, Abubakar Ibrahim var ikki at síggja. Hann manglar neyðugu loyvini fyri at koma til Føroyar. Eisini vóru nakrir ungir lokalir leikarar at síggja. M.a. Gulak Jacobsen, sum áðrenn jól royndi seg hjá Skála, sum vísti áhuga fyri honum.

KÍ spælir fyrsta venjingardystin leygardagin móti HB í Klaksvík.