Lýsing

Hvar bleiv broytingin í fráfaringaraldrinum av?

SKRIVAÐ: Tordur J. Niclasen  |  21.01.2020 - 12:45 Lesarabrøv Politikkur

Ì samgonguskjalinum hjá samgonguni stendur: “Aldurin eigur ikki at vera avgerandi fyri, nær farið verður av arbeiðsmarknaðinum. Tænastumannalógin og aðrar forskriftir verða broyttar samsvarandi.”

Hetta er fult í samljóði við tað, ið landsfelag pensjónistanna hevur víst á og hevur havt ynski um at fáa broytt, soleiðis, at vit fáa bannað hesum áralanga  mismuni og tryggja javnviðgerð á arbeiðsmarknaðinum.Tað eigur sjálvandi at vera førleikin og ikki aldurin,ið er avgerandi fyri nær farið verður av arbeiðsmarknaðinum. Og tí fegnast vit sjálvandi um, at tað beinleiðis kom at standa í samgonguskjalinum , at : “Aldurin eigur ikki at vera avgerandi fyri, nær farið verður av arbeiðsmarknaðinum. Tænastumannalógin og aðrar forskriftir verða broyttar samsvarandi.” Í hesum sambandi var tað, at eg í byrjanini av oktober mánað 2019 setti landsstýrismanninum í fíggjarmálum skrivligan fyrispurning, nær hann fór at taka stig til at fáa framt nevndu broyting  – og nær stig fóru at verða tikin til at broyta tænastumannalóggávuna samsvarðandi.

17 oktober svarði landsstýrismaðurin m.a. at “Miðað verður ímóti at fremja broytingar um fráfaringaraldur á almenna arbeiðsmarknaðinum sum skjótast”. 

Harmuligt, at málið ikki er avgreitt. Tí hesa tíðina eru fleiri, sum annars kundu hugsað sær at hildið á, vorðin uppsøgd orsakað av ávísum aldursmarki.

Haldi, at  avvarðandi landsstýrismaður eigur at vísa pensionistum ta virðing sum skjótast at fáa málið avgreitt, soleiðis, at tað verður førleikin og ikki aldurin, ið skal gera av, nær farið verður av arbeiðsmarknaðinum.

 

Eiði, tann 20.januar 2020

Tordur J. Niclasen

 

 

Lýsing
Seinastu tíðindini
Norðsøki: Ókeypis fiskur í morgin
Norðoya Sparikassi broytir innlánsrentur…
Lands­læknin sjúkrameldaður
Saknurin verður stórur
Eg síggi ljóst uppá framtíðina
Góður fiski­skapur eftir gullaksi
Flokksmannadagur 2020
Føroyar á odda
Býráðsskrivstovan um páskirnar
183 føroyingar fingið staðfest smittuna
Listafólk kunnu søkja um luttøku í Lista…
Hjálpið handilsvinnuni við at keypa føro…
Hon skrivaði bræv og riggaði av, ímeðan…
Ljóðbrot: Tá KÍ vann greipuna fyri fyrst…
Pálmasunnudagur - andakt
Tredivutúsund ára gamlir, ella eldri, tr…
Minkandi vindur seinnapartin
Ísfiskalínu­skip­ini í Norð­oyggjum eru løg…
Eingin smittaður seinasta samdøgrið
Hygg her: Saman í tryggari frástøðu