Yvirlækni á Klaksvíkar Sjúkrahúsi settur í næstum
Í hesum døgum verður søkt eftir medisinskum yvirlækna til Klaksvíkar Sjúkrahús, og væntast starvið sett skjótt, so tann setti kann byrja tann fyrsta apríl í ár.
Læknin, sum søkt verður eftir til starvið sum yvirlækni, skal vera serlækni í medisini, soleiðis at skilja, at hann skal hava eina medisinska sergrein, og sum dømi verður nevnt intern medicin. Yvirlæknin kemur at standa á odda fyri medisinska økinum á sjúkrahúsinum saman við leiðandi sjúkrasystrini.
Í starvslýsingini stendur, at tann setti kemur at samstarva við serlæknar og anæstesilæknar á sjúkrahúsinum, umframt at hann skal innganga í samstarvið, sum Klaksvíkar Sjúkrahús hevur við sjúkrahús aðrastaðni, bæði Landssjúkrahúsið og uttanlands. Klaksvíkar Sjúkrahús sjálvt verður lýst sum sjúkrahús fyri fyrst og fremst fyri teir 6.200 norðoyingarnar og teir 12.000 eysturoyingarnar í nærumhvørvinum.
Yvirlæknin fer at vera toymisleiðari fyri eitt “sterkt toymi” og stórur dentur verður tí lagdur á samstarv í starvslýsingini.