Jógvan Skorheim borgarstjóri, Signhild V. Johannesen varaborgarstjóri og forkvinna í mentanarnevndini og Óli M. Lassen formaður í Teknisku nevnd vitjað í stóra russiska býnum. Føroyski sendimaðurin til Ruslands Hákun J. Djúrhuus er eisini við. 

Sáttmálin um vinarbýarsamstarvið verður undirskrivaður mikudagin og í dag og í morgin eru nógvar vitjanir. Tað er ein tøtt skrá løgd fyri dagarnar, vitjað verður millum annað á granskingarstovnum, skúlum og lista- og fornminnasøvnum.

Fyrrapartin varð vitjað á stóra arktiska granskingarstovninum Arctic and Antarctic Research Institute (AARI) í Skt. Pætursborg har fleiri enn 1.000 starvsfólk arbeiða. Umboð frá AARI greiddu frá teirra virksemi og síðani varð tosað um felags samstarv framyvir. Millum annað kom fram, at lesandi úr Klaksvík eru vælkomin til arktisku kanningarstøðirnar hjá AARI.

Á middegi varð vitjað á einum fólkaskúla har móttøkan vera sera væl fyriskipað. Allur skúlin varð við, tey ungu sungu og framførdu sjónleik fyri ferðaliðnum úr Klaksvík og greiddu við eldhuga frá um teirra bý.