Tónleikamarknaðurin er í stórari broyting.

Fyri at ganga stóru avbjóðingum á tónleikamarknaðinum á møti, var føroysk Tónleikaútflutningstova, Faroe Music Export, FMX, sett á stovn í 2019; og í oktobur var Fred Ruddick settur í starv.

Mikukvøldið 29.januar kemur Fred Ruddick til Klaksvíkar at siga frá um FMX – tænastur, leiklutir og møguleikar.
Nevndin í Norðljóð sigur at tiltakið, sum verður í Miðstovu mikukvøldið kl 20, er alment, tó er tað serliga ætla tónleikarum, teimum, sum hava áhugað fyri at menna føroyska tónleikin og teimum sum varða av á tónleikaøkinum.  

Hevur tú ætlanir um at liva av tónleikinum? Sært tú møguleikar í tónleikavinnuni?

Fred Ruddick, sigur at arbeiði er ein spennandi avbjóðing. Hann sær fram til at hitta tónleikarar og tónleikaáhugaði í Norðoyggjum, og ikki minst at fáa eitt gott prát!