Sambært Løgregluni er eingin fráboðan komin um at nakar hevur fingið álvarsligt mein neyðugt var ongantíð at senda fólk á sjúkrahúsið.
 
-       Tó vita vit at onkur hevur fingiå smærri skaða tí á skaðastovuni komu nøkur sum høvdu fingið snudd og bløddu.
 
Konsertin bráddliga avbrotin
Rani Nolsøe hevði júst útgávukonsert tá tekjan reiv og sambært video sum Ragnhild sjálv hevur lagt út á Facebook var hon júst í ferð við ein upplestur á pallinum tá tekjan reiv og gólvið lyftist upp.
 
Hon skrivar soleiðis á facebook:

At vitja Spaniastovu er vanliga ein sterk og innilig uppliving. Men í kvøld bar av, tá ein ógvuslig hvirla streyk framvið til annars frálíku útgávukonsertina hjá Rani Nolsøe.
 
Gólvið í Miðstovu lyfti seg upp, tekjan í norðara enda reyk av og tveir glasveggir sprongdust inn í Spaniastovu. 

Konsertin mátti brótast av og onkur mátti á skaðastovuna. Hetta var ein ógvuslig uppliving, men fólk vóru rólig og ansaðu eftir hvør øðrum. Tíbetur vóru - eftir tí, sum vit hava frætt - eingir álvarsamir fólkaskaðar. 

Góði Rani! Takk fyri í kvøld. Nú gleða okkum til eina nýggja konsert, tá Spaniastova er umvæld. Tað, sum vit hoyrdu, var alt fantastiskt og verður kvøldið ikki gloymt hesumegin øldina.