Lýsing

90% av starvsfólkunum hjá Gist & Vist eru send heim – hetta fevnir um fastlønt, lærlingar og tímalønt

SKRIVAÐ: Tíðindaskriv  |  17.03.2020 - 19:17 Tíðindaskriv Vinna

Korona hevur stóra ávirkan á føroysku hotel- og matstovuvinnuna og harvið eisini á Gist & Vist.

Ávirkanin er bráðkomin og nú bert fáar dagar eftir, at Gist & Vist helt aðalfund við støði í besta ársúrslitinum í søgu felagsins, kunnu vit staðfesta, at virksemið sum heild er steðgað upp.

Avleiðingin er, at flest allar deildir hjá Gist & Vist lata aftur – fyribils.

Tó verður hildið áfram við at veita mat útvið og virksemið á Hotel Tórshavn heldur fram í skerdum líki.

Meginparturin av starvsfólkunum, í alt knapt 90%, verða send heim beinanvegin. Talan er um fastløn, lærlingar og tímalønt.  

Tey, sum ikki verða send heim í dag, fara niður í tíð og løn. Talan eru um starvsfólk í fyrisitingini, bókhaldinum, sølufólk og húsavørðar.

Tey støðini sum hava opið – Hotel Tórshavn, Bitin, Suppugarðurin, etika, eta og Silo – hava somuleiðis niðursetta arbeiðstíð.

Útbygging av kømurum og vælveruøki heldur fram, tíðarætlan og kostnaðarætlan halda.

Leiðslan í Gist & Vist harmast íkomnu støðuna og ta ávirkan, sum hetta hevur fyri starvsfólk og viðskiftafólk okkara. So skjótt sum tað er ráðiligt, lata vit upp aftur, og tá verða starvsfólkini sett aftur til somu lønartreytir sum áður.

Vit fegnast um, at staðið verður saman um at finna loysnir. Bæði myndugleikar, fíggjarstovnar, partarnir á arbeiðsmarknaðinum, okkara viðskiftafólk og starvsfólk og mong onnur taka lógvatøk saman. Í hesum sambandi er vert at nevna týdningin av, at upphæddirnar frá ALS hava eitt rímiligt og nýtiligt støði og at hjálparpakkar verða skipaðir, so teir eru fleksiblir og nýtiligir í breiðum høpi.

Lýsing
Seinastu tíðindini
Hon skrivaði bræv og riggaði av, ímeðan…
Ljóðbrot: Tá KÍ vann greipuna fyri fyrst…
Pálmasunnudagur - andakt
Tredivutúsund ára gamlir, ella eldri, tr…
Minkandi vindur seinnapartin
Ísfiskalínu­skip­ini í Norð­oyggjum eru løg…
Eingin smittaður seinasta samdøgrið
Hygg her: Saman í tryggari frástøðu
(Ársúrslit) KÍ hevði nógv størst yvirsko…
Beinleiðis stroyming kl. 21
Egnarar fáa einki
Corona órættvísi: Góðan dag harra Løgmað…
Um Skálanes í Herjaskor
Manning frá Brimli niðri á Reynsmúla
181 føroyingar fingið staðfest smittuna
(Korana-kreppa) Útróðrarbátar­nir eru giv…
Løgtings­fundur í morgin
Hjálparpakki 2 lagdur fram
Fólka­pensjonistar sjúkradagpening og ísk…
Byrja við Føroya Løgtingi