Í dag er tað eitt kalt rák av landnyrðingi-norði; í morgin eitt sindur lýggjari luft úr suðuri. Leygardagin er hann vekk.

Mátistøðirnar kring landið siga frá vindferð úr 3 og upp í 7 m/s. Ættin er landnyrðingur. Einki avfall nakrasteðs. Hitin liggur úr 1 og upp í 4 stig.

Ættin fer at vera beinur norðan seinnapartin, og tað verður hon restina av degnum í dag. Vindurin fer at minka eitt sindur seinnapartin – í kvøld eru 2 til 5 m/s.

Einki brúgvalag er ávegis til okkara. Turt allan dag, og hitin fer at liggja um nøkur stig oman fyri frostmarkið.

Hátrýstryggurin fer eitt sindur eystureftir, og tí fer ættin at skifta til ta øvugtu ella næstan øvugtu. Hetta verður fyrrapartin í morgin. Tá verður tað landsynningur restina av degnum.