Eitt djúpt lágtrýst er á middegi í dag statt einar 200 fjórðingar beint eystan fyri Kappan. Trýstið í miðjuni er lágt – 951hPa. Tað dregur nógva luft til sín.

Enn er tað langt burtur frá okkum, og tað merkist ikki nakað serligt. Men tað fer at nærkast, og tað fer at vera eitt sindur av vindi.

Vindurin er eitt sindur meir vestanfyri enn eystanfyri. Í Mykinesi eru 15 m/s; á Kirkju eru 4 m/s. Ættin er tann sama: útsynningur-sunnan. Fyri tað mesta er turt – bert okkurt kava- ella regnæl í støðum.

Seinnapartin fer vindurin at veksa spakuliga. Klokkan 18 eru 10 til 15 m/s um alt landið og ælaveður. Á midnátt eru 15 til 20 m/s og samregn, og soleiðis er øll náttin – líka til í morgin ári.

Fyrrapartin í morgin slítur í, og tað verður slítur í, samstundis sum ættin støkkur í útsynning. Hetta verður um 10-11 tíðina.