Fyrireikararnir prátaðu stutt saman, og so var farið undir at gera klárt. Og nú vit hava hósdag 26. mars, eru seinastu fyrireikingarnar við at koma undir land, soleiðis at kvøldsetan kann sendast beinleiðis úr VB-húsinum íkvøld.

Kvøldsetan verður merkt av tónleiki, tí fleiri tónleikarar eru við til kvøldsetuna, og eru teir Dagfinn Olsen, Hjalmar Magnussen, Bergur Gudmundssen, Hans Jacob Hjelm og Ingi Poulsen.

Umframt tónleikin, so verður práta, og lurtararnir sleppa eisini upp í part, tí teir kunnu nevniliga senda heilsanir og ynskir inn, soleiðis at tónleikararnir kunnu tríva í onkran av ynsktu sangunum, og soleiðis fáa hugna um í hesum koronatíðum.

Ein ella fleiri táttir, ið eru skrivaðir til tiltøk, ið júst hava verið í Vági, verða eisini framførdir íkvøld.

Ætlanin byrjar kvøldsetan um 19.30, og heldur á í ein tíma ella so. Ein kann fylgja hesi leinkjuni, um ein hevur hug at fylgja við íkvøld.