19 ára gamli føroyski U21-landsliðsleikarin, Andrias Edmundsson, vandi í kvøld við besta liðnum hjá KÍ. Andrias hevur sáttmála við Sunderland í Onglandi, har hann hevur verið partur av U23 liðnum. Í Onglandi liggur fótbólturin stillur, og tí er Andrias í Føroyum. Norðlýsið hevur spurt seg fyri í KÍ, hvat skal leggjast í venjingina, men har eru boðini, at hann venur við KÍ fyri at halda seg í venjing.

Um hetta er fyrsta ábending um, hvar Andrias fer at spæla, tá/um hann fer at spæla í Føroyum vil bara tíðin vísa.