Tilber m.a. at keypa høsnaregg, røst seyðarhøvd, blóðpylsu, rullupyslu, gásalivurpostei, garnatálg og rabarbusúltutoy frá Uppistovugarðinum og Útistovugarðurin selur ræst kálvakjøti, dunnu egg, vínrabarbu súltutoy og rullu- og kjøtpylsu. 

Umhvørvisátakið Slóða Fyri vil við hesum framtaksanda skapa eitt stað, har bóndir og útróðrarfólk hava møguleika at selja føroyskar matvørur. 
Ætlanin er, at smátturnar eru opnar hvønn leygardag frá kl 10.00 í mai mánaði. Møguleiki er eisini at lata smátturnar upp aðrar dagar, til eitt nú fríska fiskasølu, um áhugi er.

Ynskir tú at selja?

Áhugaði kunnu venda sær til Gunnhild Dahl Niclasen á telefon 282878 ella Anniku S. Biskopstø á telefon 219011. Til ber at selja føroyskan, burðardyggan og nýfiskaðan ella framleiddan mat. Endamálið er at varpa ljós á mat í nærumhvørvinum og teir umhvørvisligu fyrimunirnir, sum standast av at keypa lokalt.