Rennibreytin lýkur øll neyðug krøv. Inni í miðjuni av sjálvari rennibreytini verður ein eyka fótbóltsvøllur á stødd við ein vanligan fótbóltsvøll, sum ger, at umstøðurnar rundanum ítróttarøkið gerast alsamt betri og rúmligari.

Tað er nakað av jarðarmuni frá barnagarðinum og yvir til Tekniska Skúla, har botnurin á rennibreytini er meir enn 5 m lægri enn lendið har. Niðri við barnagarðin skulu eini 70 cm leggjast á verandi avgrivna lendið – Samlaða verkætlanin kemur at liggja um góðar 37 mill.

So spennandi verður, tá ið snórurin verður kliptur næsta summar. Tá slepst ikki undan at fara ein lítlan ella hjá summum ein longri rennitúr undir sera góðum umstøðum og við undirlagi, sum er gjørt til endamálið.

Sí viðfestu myndir niðanfyri.