Hetta fer at vera vindferðin og ættin restina av degnum í dag. Tað hevur verið turt í dag, higartil, men seint seinnapartin og tveir tríggjar tímar fram fara nakrir ælingar við regni at koma.

Í nátt fer vindurin at veksa eitt sindur afturat – upp í 10 til 15 m/s eystanfyri. Eitt sindur minni vestan fyri. Soleiðis fer at vera í morginári og eitt sindur út á seinnapartin.

Eitt regnumráði fer at koma yvir Føroyar um middagsleitið í morgin. Tað fer at regna eina løtu – mest norðanfyri. Út á seinnapartin er brúgvalagið farið framvið, tað fer at slíta í, og vindurin fer at minka niður í 7 til 12 m/s.

Sunnunátt og sunnumorgun fer at vera fyri tað mesta turt; vindurin fer at minka niður í 5 til 10 m/s av norði. Á middegi minkar vindurin niður í 3 til 8 m/s, samstundis sum ættin spakuliga fer at flyta seg ímóti eystri.

Gott vikuskifti.