Lýsing

Útlendingar skulu forðast í at uppkeypa jørð og bústaðir í føroyum

SKRIVAÐ: Javnaðarflokkurin  |  21.05.2020 - 11:51 Politikkur Tíðindaskriv

Í løtuni er einki yvirhøvur, sum forðar eitt nú einari stórari útlendskari fyritøku ella ríkum einstaklingi at keypa risa økir av jørð ella fyri tann skuld meginpartin av húsunum í lítlari bygd ella oyggj. Hesum má bindast fyri, halda Javnaðarflokkurin og Tjóðveldi, sum taka undir við uppskotinum hjá Tjóðveldi um at forða útlendingum at keypa jørð og bústaðir í Føroyum.

Men umboðini fyri Sambandsflokkin, Fólkaflokkin og Framsókn eru ósamd. Tey mæla løgtinginum frá at samtykkja uppskotið, tí at tað vil vera at diskriminera okkara grannar og útlendingar sum heild, um ikki vit loyva hesum at keypa sær ognir her.

- Føroyska landøkið við 18 oyggum er sera avmarkað í stødd, bygdir og býir smá, og avleiðingarnar av útlendskum uppkeypi tí størri. Tí er neyðugt at hava greiðar reglur fyri, í hvønn mun útlendingar, uttan tilknýti til Føroyar, kunnu keypa hús og jørð í Føroyum, vísa Javnaðarflokkurin og Tjóðveldi á.

Vinnunevndin hevur fingið upplýst frá ognarmeklara, at í onkrari bygd í Føroyum hava útlendingar keypt fleiri hús, og at áhugin frá útlendingum sum heild er stórur.

Onnur lond hava ásetingar um avmarkingar hjá útlendingum at keypa jørð, bústaðir ella summarbústaðir. Sum dømi kann nevnast, at Danmark hevur reglur fyri summarbústaðir. Í Álandi er sonevndi “Hembyggdsratt”, har bert fólk, ið hava bústað ella hava búð í ávíst tíðarskeið í Álandi, hava rætt at keypa jørð, bústað og fastogn.

 

Hetta kundu vit eisini gjørt í Føroyum.

Legg til merkis, at uppskotið leggur ikki upp til at forða fyri, at føroyingar, ið búgva uttanlands, kunnu keypa summarhús í føroyum. Ynskið er um eina lóggávu, sum kann brúkast í teirri løtu fólk, ið einki tilknýti hava til Føroyar, fáa hug at keypa inn undir seg.

 

Javnaðarflokkurin

Lýsing
Seinastu tíðindini
Nú ''byrjar'' kappingin hjá KÍ
Korona hevur ávirkað kappróðrarfyrireiki…
Dartfelagið nógv at gera á Norð­oyastevnu
Maskinsmiðir prógv á TSK
Tónleika­rundferð við Danny og Inga
Rókur Davidsen vann øll talvini
Stroyming: Dartkapping á Norð­oyastevnu
Heimið er, har hjartað er
Tónleika­rundferð við Danny og Inga í dag
FLEIRI KONSERTIR VIÐ DANNY OG INGA LEYGA…
Hjálparpakki 4 verður nú settur í verk!
Poul Mohr (21.08.1929  - 16.06.2018) - f…
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.