JT Elektric handaði í dag heimsins størsta aliflaka til Jón Purkhús á Bakkafrost. Jón Purkhús sigur, at hetta er eitt upplilagst bulkskip, ið JT-elektiric hevur keypt og hevur gjørt um til aliflaka í Póllandi. Olavur Thomsen, frá JT sigur, at øll tekniska útgerðin, sum er sett í skipið er mennt á JT-elektric, send til Póllands og er sett í skipið har.

Flakin er 84 metrar langur og 11 metrar breiður. Hann er útgjørdur við 8 fóðursiloum, sum tilsaman kunnu taka ímóti 1000 tonsum av alifóðuri. eisini er serstøk silo til ronkelsisfóður. Fóðurflakin verður lagdur í Haradssundi og er so framkomin, at øll fóðring og kunning um alt umborð, kann stýrast og síggjast av landi í teldu ella á snildtelefon. Ongin er umborð flakanum tá hann dagliga røkir fóðringina av laksinum í aliringunum í Haraldssundi.

Um neyðugt er hjá fólki at vera umborð, so eru uppihaldsrúm køkur og baðimøguleikar.