Vertirnir tóku seg væl út á skerminum á tí væl valda og hugnaliga pallinum. Vertirnir komu væl frá uppgávuni, vóru siðiligir, róligir og dugdu at hava samrøðurnar í passaligari longd. "Professionelt", helt eg.
Innsløgini vóru fjølbroytt og áhugaverd við skemti og álvara. Einki var langdrigið ella møðisligt at hyggja at.

Við hesum vil eg takka vertum og øllum, ið vóru við til at gera hesa framúr góðu og undirhaldandi stroyming, so vit fingu Norðoyastevnuna inn í okkara heim í hesi undarligu Koronatíð.

Tit, ið skipaðu fyri, eiga rós uppiborið og fáa stórt herðaklapp.

Betta á Dalinum