Lýsing

Kappingin um løgmanssteypið byrjar við størsta dystinum KÍ-HB

SKRIVAÐ: Jákup Ósá  |  07.07.2020 - 11:32 Ítrottur Tíðindi

Dreymafinalan hjá mongum, KÍ-HB, hevur ikki verið síðani 1998. Í ár møtast liðini fyri fyrstu ferð hesa øldina í áttandapartsfinaluni í kappingini um løgmanssteypið.

Mikukvøldið fer kappingin um løgmanssteypið 2020 í gongd við einum braki av einum dysti. Tey bæði mest vinnandi feløgini, arvafíggindarnir KÍ og HB, møtast í Klaksvík. Greitt er, at mikukvøldið er eisini eitt av hesum liðunum úti av kappingini og hevur tá bara tey bæði ovastu plássini í Betri Deildini at kappast um fyri at sleppa í Europa í 2021.

Liðini hava spælt ein landskappingardyst móti hvørjum øðrum. Tá bleiv talan um sera undirhaldandi og málríkan 3-3 javnleik, har KÍ hevði allar møguleikar til at vinna dystin, men ikki tók av. Í fjør var gongdin øvugt í síðsta dystinum millum liðini í Klaksvík. HB hevði allar møguleikar til at vinna dystin, men tók ikki av, og so vann KÍ ístaðin 3-1, beint ímóti dystargongdini. Í landskappingini hava liðini tapt ein dyst í part.

Dysturin byrjar mikukvøldið kl. 19.00. Atgongumerkir fáast við kontantari sølu við dyrnar, boðar KÍ frá.

Lýsing
Seinastu tíðindini
Slovan Bratislava spardi allar útileikar…
Yvirlýsing: Fakfelags­ráðið stuðlar flogs…
Føroya Sunnasta 1/­2marathon eisini avlýs…
Stór viðurkenning til Kára á Høvdanum
Aftursvar til Tjóðveldi
Bleytu virðini fara oftast út um játtani…
Hvar er langtíðarætlanin?
State of the Land – nýtt videolag
Svimji­høllin letur varisliga uppaftur
Eitt bakbit av teimum grovu
Stórarbeiði á Biskupstøð!
Tilboð og tænastur í Almanna­verki­num av…
Seinasta vaktin hjá tónleika legendu: Ge…
Rullandi kontry í Klaksvík
Skýmingatúrur um Klakkin á Háskúlan og V…
Grindir­nar ymiska ferð
Norskur dómari til Champions League í Kl…
KVF viðger sending­ina ''Fótbóltsprát''
Einmælt samtykt
Heilsumála­ráð­har­rin: Ómenniskjaligt at f…