Sálarheilsan hevur seinnu árini verið undir trýsti, og hetta er serliga galdandi, tá ið vit tosa um ung. Árið í ár við koronaavmarkingum og ótta hevur ikki gjørt hesa støðuna betur. Tí hevur samkoman heitt á Lavanyu Dua, sum er lækni og prestur í Equippers Church, London um at framleiða nøkur stutt videobrot fyri samkomuna. Hesi videobrot venda sær til øll! Eitt er serliga ætlað ungum og eitt annað er serliga ætlað foreldrum. Men øll kunnu fáa gagn av at síggja øll brotini.

Ætlanin var annars at Lavanya Dua skuldi vitja samkomuna í mai, har hon skuldi undirvísa samkomuni og hava ein dag fyri heilsu- og umsorganarstarvsfólk í Føroyum. Men hetta bleiv forðað av Korona, og tí vóna vit, at Lavanya kann koma til Føroyar komandi ár.

Vit vóna, at videobrotini vera til kunning, hjálp og signing fyri mong.

Videobrotini síggjast á facebooksíðuni hjá Soli Deo Gloria, Klaksvík, á youtube profilinum: SDG media og á www.sdg.fo