Lýsing
Lýsing

Mentanarvikan í Runavíkar kommunu verður ikki hildin sum ætlað

SKRIVAÐ: Tórbjørn Jacobsen, borgarstjóri  |  08.08.2020 - 16:31 Mentan Tíðindaskriv

Stórt hevur verið tikið til, og nógv hevur verið ætlað, síðan fyrireikingarnar byrjaðu longu eftir mentanarvikuna í 2019. Mentanarvikan 2020 skuldi upprunaliga haldast í apríl mánaða í ár, - men øllum kunnugt forðaði COVID-19 farsóttin í fyrstu atløgu hesi ætlan.

Sum útlitini vóru um tað mundið, varð annað tíðarmál sett fyri haldinum. Nú, tvær vikur fyri tíðarmálið, sett í aðru syftuni, og onnur ríðin av coronu herjar landið – og ilt er at meta um heilsuligu útlitini – hava fyrireikararnir gjørt av, at ongin mentanarvika verður í 2020.

 

Mentanarvikan 2020 er harvið flutt, og verður hildin í seinra helmingi av apríl mánaða í 2021 ístaðin. Hetta verður gjørt fyri at verja allar partar í høpinum – luttakarar og áskoðarar.

 

Skráin, ið nú var greið til prentingar, var á tremur við áhugaverdum tiltøkum og øll tey, sum skuldu luttaka, hava fingið boðini um flytingina og tilboð um ístaðin at taka lut, táið mentanarvika ætlandi verður aftur í 2021.

 

Alt eftir hvussu farsóttin fer at hátta sær, ella um bilbukt fæst við hana, kann tað vera, at onkur av skrásettu og meira dagsaktuellu tiltøkunum verða hildin seinri í ár.

 

Stóri parturin av trupulleikanum er, at dastið av tiltøkunum skuldu pallsetast innandurað, og tá savning av størri mannamúgvum gongur ímóti øllum tilmælum og øllum vanligum viti og skili, er hendan støðan nú tikin.

 

Runavíkar kommuna harmast um íkomnu støðuna, samstundis sum vit gleða okkum til eina spennandi mentanarviku í apríl 2021.

 

 

Tórbjørn Jacobsen,

borgarstjóri.

 

 

 

 

Lýsing
Seinastu tíðindini
Sálarlig heilsa skal uppraðfestast
Team Klaksvík fær vitjan av Neistanum hó…
Heimsins fyrsta marknaðarførings­skipan t…
Leirkerið við nýggjari bók – „Styrki í s…
Minningarhald teirra sjólátnu í Svínoy
Heyst á Áarstovu
Fyrstu valplakatir­nar komnar upp
Amerikanski admiralu­rin Robert Burke á v…
Morgunsangur á Klaksvíkar Sjúkra­húsi
Minningarhald teirra sjólátnu
Havnarlagið dagførast
Skráin fyri allahalgannahaldið á Syðrada…
Endurnýta mold og skilja grót
Botnleysa holið í Marknagili
Løgtingið fingið nýggja heimasíðu
Bryggjan við Grótrætt avhendað
”Nice to have – need to have” - 1% yvir…
Smidligari barna­ansing til øll í Klaksví…
Upptakt: Víkingur-KÍ
Nýtt vinnuøki niðanfyri Blikksmiðjuna