Lýsing
Lýsing

Steðgurin longdur eina viku

SKRIVAÐ: Tíðindaskriv  |  10.08.2020 - 17:43 Ítrottur Tíðindaskriv

Steðgurin í øllum kappingum hjá FSF, undantikið í Betri Deildini hjá monnum, er nú longdur við einari viku, og er galdandi til og við fríggjadagin 21. august

Mikudagin í farnu viku varð avgjørt at stegða øllum fótbólti, undantikið fremstu deildini hjá monnum, til og við 14. august. Hesin steðgur er nú longdur við einari viku, og er nú galdandi til og við fríggjadagin 21. august.

– Vit fylgja gongdini neyvt, og taka tey atlit, sum vit halda eru neyðug. Millum annað verður nú kravt, at øll, ið hava onkra uppgávu til dystir í Betri Deildini hjá monnum, lata seg kanna fyri korona. Hetta er galdandi fyri spælarar, venjarar, hjálparfólk, fjølmiðlar, ja øll, ið fáa atgongd til dystirnar, sigur Virgar Hvidbro, aðalskrivari í Fótbóltssambandi Føroya.

Aðalskrivarin leggur afturat, at avgerð eisini er tikin um, at allir dystir í øllum hinum deildunum, bæði hjá kvinnum og monnum, og allur ungdómsfótbóltur, er útsettur til og við fríggjadagin 21. august, og tað sama er galdandi fyri allar landsliðsvenjingar og úrvalsvenjingar hjá FSF.

Umframt at útseta dystir og landsliðsvenjingar, mælir FSF feløgunum til at steðga við øllum barna- og ungdómsvenjingum beinanvegin, og at hesar ikki verða tiknar upp aftur fyrr enn í fyrsta lagi tann 15. august.

Lýsing
Seinastu tíðindini
Hetta sigur Odmar Færø um skaðan
Abubakar Ibrahim Aliyu spælir ikki við K…
Trupulleikar­nir hjá KÍ í Trongisvági hil…
Magni Husgaard við sínum fyrsta lagi
Skal kappingarleistu­rin varðveit­ast?
Jórun Niclasen vann navnakappingina
Upptakt: TB-KÍ
Semja um maskinmeistarar hjá Vørn
Nevndarskifti í AKF
Myndarøð: Vóru á fjalli í Barmi í dag
Norðoya Sparikassi 6 milliónir í avlopi…
Næmingar­nir ruddaðu Føroyar
KSS-Open 2020
Góð undirtøka á Viðareiði
Børn og ung skulu hava frítíðarkort
KÍ skal á útivøll um liðið kemur í ‘’pla…
Tilmeldingin til Kvøldskúlan letur upp í…
Nú verður aftur møguligt at taka koyriko…
Poula Isaksen 90 ár
Norðlýsið á gøtuni