KÍ má vinna dystin fyri at hanga í oddaliðnum HB, meðan ÍF kann spæla meir frítt, tí ÍF liggur trygt í miðjuni á stigatalvuni. Hjá KÍ mangla Lukasz Jarosinski og David Skrbec, ið ikki hava fingið neyðugu loyvini. Heini Vatnsdal er skaddur, meðan Ísak Simonsen er byrjaður at venja aftur. Hann spælir tó neyvan frá byrjan. Hjá ÍF fór Jan Ó. Ellingsgaard skaddur av vøllinum seinast og spælir neyvan. Bogi A. Løkin hevur eisini sitið uttanfyri við skaða seinastu dystirnar.

Dysturin við Djúpumýrar byrjar kl. 19.00 og verður spældur uttan áskoðarar. Dómari verður Alex Troleis.