Veðrið í vikuni, sum kemur
Í vikuni, sum kemur, fara tvey lágtrýst at seta sín dám á veðrið í Føroyum. Tey ferðast eina leið, sum gongur úr Kanada eystur um Kappan – haðani til Íslands og so í Norska Hav, 200 fjórðingar norðan fyri Føroyar.
Tí fara vit at hava lága vesturætt mánadagin og týsdagin, norðurætt mikudagin – tað er løtan við lítlum vindi ímillum hesi bæði lágtrýstini – og so suðurætt hósdagin og fríggjadagin.
Vindferðin fer at liggja um 7 til 12 m/s stóran part av vikuni. Men ikki alla tíðina. Í nátt fer at vera 12 til 17 m/s, og størsta partin av morgin degnum um 10 til 15 m/s. Annars fyri tað mesta um 10 m/s.
Tað fer at vera løtur við regni í vikuni – men ikki so nógv sum í vikuni, sum fór. Mesta regnið er í nátt og hósdagin. Hinar dagarnar kann væntast æl – meiri ella minni.
Hitalagið fer at liggja eitt ella tvey stig oman- ella niðanfyri tey 10 stigini.