Í eina tíð hevur ikki verið gjørligt hjá teimum 15 ára gomlu at tikið koyrikort til lítil prutl, tí ongin hevur verið at undirvíst. Hetta hevur verið ein trupulleiki í fleiri kommunum, ikki bert í Klaksvík. Men nú hevur Klaksvíkar kvøldskúli sent tvey niður til Danmarkar á skeið, so vit hava førleikar til at undirvísa til prutlkoyrikort. Albin Johannesen og Marita Vang Vilhelm hava júst verið í DK og tikið prógv sum undirvísarar. Vit fegnast um at kunna bjóða borgarum hetta tilboðið aftur, tí eftirspurningurin hevur verið stórur, sigur Erik Biskopstø, leiðari fyri Kvøldskúlan.

Tilmeldingin letur upp kl. 18:00 í kvøld.